Teri meri anaa part 4

Recap:
Mehru sun k bhi yun baithi rahi jaise kuch suna na ho..
bilal ka nam us k andar koi b halchal jagane men nakam raha tha...

Now read further:
 Bahir lawn men kia ho raha tha .. us se anjaan mehr dupattey men chuppi baithi thi... Filhal kissi k pass  waqt nahi tha k uss ka haal ehwal poochta...
dupattey k andar baithey pehle pehel usey shadeed rona aya.. magar  phir apni beeti hoi zindagi ka har pal yaad aney laga.. 
kaisi thi woh... 2 saal pehle tak..jab moiz ko janti nahi thi...
aur phir moiz se milne k bad... kitna badal gai thi... 
aur ab... bilal us ko apne rang men dhal le ga.. 
ajeeb hoti hain larkiyaan bhi.. kachi matti jaisi.. jo jiss rang men dhalley, bus usi k rang men dhal jati hian... narmi se, mulahimat se,,,  aur mard, dhalne ka fun khoob jantey hian....badal dena ata hai un ko... bus tabdeel kerne k baad sambhalna nahi ata....

Mehr aur Mia do hi behnien thi. apne baba ki bohat ladli.. mehr pehli beti hone ka faida uthati to mia k pass sab se chota hone ka vote tha. aur baba to jaise un k samne moom they.. ama ghussa b kertien , magar baba hameesha hans k taal dete..."kia karoon? ALLAH ne shehzadiyun ki zimadari di hai.. pori to kerni parey g."  lss laad pyar k sath sath baba ne un ki tarbiyat b alaa khatoot per ki thi. ghar sambhalne se le k games tak, har cheex men agey.. har cheez men awal...

Mehr ka  har andaaz aam sa tha, aur yehi baat us ko khas banati thi...
har aam si larki ki tarhan us ko icecream, cake, fanta, chicken, chocolates, mangoes, pink color bohat pasand tha. sab logoon ki tarhan woh apne dostoon ki company enjoy kerti thi.. birthdays aur shadiyun men khoob enjoy kerti thi.. 
likin is sab k bawajood , mehru ki zaat ka ik hissa woh b tha jo har dekhne wale ko nazar nahi ata tha aur na hi mehru kissi ko dekhne detti thi. woh us ki personal space thi..us ki sanctuary! 

Noor mehel men rehne wale sab log ik dusre se yun jurrey se jaise kissi haar men moti piroye hoon.. mohabaat aur izzat un k awaleen asool they..woh be tahasha ameer nahi they, likin un ko jeene ka dhang ata tha.. apne apne portions men sakoon se rehte they.. shyd un k darmiyan zan, zar aur zameen na thi, iss liye.
mehru apne khandaan ko idealize kerti thi.
Noor mehal ka naam us k taya aba ne Noor Haveli k naam pe rakha tha. un k gaoon ki haveli.. per najane kiun woh log kabhi wahan jatey na they... Us ne amaa se Haveli ki bohat tareefien sunni theen.. bohat bar baba se kaha b likin bus ik yehi bat thi jo baba taal jatey they..
Apne ghar ki zinadagi itni maxedar thi k us ko kabhi xiada kami mehsus na hoi thi.. bus ik shoq tha.. bari c haveli men rehna kaisa lagta ho ga.

 .... Noor mehel k 4 portions ka ik hi lawn tha.. garmiyun ki shamun men aam aur sardiun ki shamoon men maltey lawn men rakh k sab cousins baqaida shart  laga k khatey .. us k bad kissi na kissi game ka ehtamam b xaroori thi.. badminton aur ludo... crosswords, scrabble..  Education aur Intelligence Noor mehel ki 2 khasusiat theen. aur show off ka koi moqa woh hath se jane nahi dete they.. chahe ik dosre ko hi kiun na dikhana ho.

Hasan aur Mehr ki team behtareen thi. issi liye woh roz har kissi ko challenge kerte phirte they .. haar jane pe pizza khilana b perta to mehru ko bura nahi lagta tha... woh aaisi hi thi, rishtoon k peche cheexun ki perwa na kerne wali..

aur wada to mehru k liye jaise marne maarney wali baat thi.. wasif lala bechare iss adat ka shikar ho chukey they.. ik bar sardiyun men wasif lala ne us se keh dia k jab barf lparey g to men tumien Abbottabad bhejoon ga.. 
un becharey ki buri qismat k ik hafte baad barf lag gai.. mehru ne Geo suntey hi un ko phone milaya.. ik bar na uthane pe., us ne dobara milaya... aur itna milaya k wasif lala ko meeting se excuse ker k ana para..
Ghar aa ker Mehru ko bulaya aur khoob izaat ki... woh un k samne khari ansoo bahati rahi.. 
"Ab jao!" lala khafgi se boley. likin mehr ne jaise suna hi nahi tha.
"mehr, go!"
likin mehr bibi bus khari ansoo bahati raheen.
" mehr .. uff! kia baat hai?" wasif lala aaah bhar k boley.
" lala ... ap ne kaha tha abbottabad le jaen gey.. barf lag gai hai." ansoo aur hitchkiyun k darmiyan woh boli.. to wasif lala ko us per .. pyar aya... 
" mehr .. is dafa nahi.. next time." unhun ne us ko talaaa.. un ko waqai kam ha.
" you promised lala... "
phir, lala ne bohat talaa likin mehr ne poorey ghar men har ik ko pakar pakar k kaha k wasif lala ne wada kia tha.. unhun ne promise kia tha... 
bilakhir ik raat taya ji k ghar dinner per taya ji ne kaha : " wasif tum ne kiun wada kia tha??" Baba log hans parey.
wasif lala bechare kia kehte...
" awal to ainda wada mat kerna. aur yeh jo ker lia hai to le jao bachoon ko friday ko Abbottabad. Office men dekh loon ga." 
yun un bechare ki khallasi hoi.

Mehr ko zindagi achi lagti thi... " zindagi jeene men aur waqt guzarne men bohat farq hai beta!" woh aksar mood men aa k philosophy jharti. 
sab us ki khoob kit lagate they.. us ki ulti seedhi harqatun aur be tukkey adventures per.. likin bus mehr aaisi hi thi... Jab tak ussey moiz nahi mila tha.. woh aaisi hi thi.... 

Teri Meri Ana part 3

Recap:
pareshani se us men apni daaien abroo ko masla...
" yar ik glass pani la do" pass se guzarte huwe waiter ko us ne kaha aur khud kursi pe baith gaya..

Now read further:

"Arey tu yahan baitha hai .. chal aja na.." Hassan kissi ka se wahan se guzra to ussey andhre kone men baitha dekh k us k pass chala aya. 
"hm? haan.. haan chal... men zara khane ka dekhne aya tha.. pani peene baith gaya tha." foran se apne lehje ko hashash banate huwe us ne kaha.
" yaar waise apni mehru kitni pyari lag rahi hai.. qasam se itna dil khafa ho ra hai na.. " Hassan mehr se 3 saal chota tha aur ghar men us ki aur mehr ki bohat banti thi. har game men dono partners hote they balkey partners in crime. Intehai safai se cheating kerte they har game men aur agar pakre jate to intehai dhetai se mukr b jate they.
"Shadi to sab larkiun ki hoti hai yaar.. woh khush rahe they" Moiz ko apni awaz ajnabi c lagi. 
"Nai yar.. kash us ki shadi kahien qareb men hi ho jati .. Canada bohat durr hai yaar.." Hassan ki koi behen nahi thi.. Mehr ne us k khoob nahre uthae they.. adhi raat ko chips bana k dena, us k sath cricket khailna, phone pe logoon ko tang kerna .. aur yeh mehr ki sohbat ka hi asar tha k apne se 7 saal barey czn ko woh mood men aa k 'yar'  aur ' tu' keh deta tha. 
"Acha senti na ho.. In sha ALLAH bohat acha ho ga." 

lawn men khoob mahol bana huwa tha.. dhulhe wale khoob dhol bajoon k sath aye they.. itni larkiyaan dekh k sab larkey apne best behavior pe they... daant to bahir they hi, ab lehjey men mazeed sheerini b ghul gai thi.. waleed to dobara bal b set ker aya tha.. just in case!

'izaah... is ka ghoongat nikalo .. jaldi karo.. bilal b aaya ha" Bina apa bechari phooli saansoon k darmiyan bolien...
"bina apa...men ker dti hun." izzah ne apni hansi rokki .. us ka ghoonghat theek kerte huwe wo mehr k kaan men boli. " mehr .. mujhe nhi lagta bina apa tumare waleeme tak bachne wali hain. dekho sab se ziada woi iss shadi ko serious le rahi hain!" 
mehr ne us k bazoo pe ik chutki kati.. " be huda.. khud to ban sanwar k aa gai ho.. kissi ko to kam kerne do na"
" ouch.. ufffff..  utar ai ho na apni ooqat pe.. dhulhan ho is liye lihaz ker rahi hun warna abhi seedha kerti tumien. kher badla to men le hi loon g "  izzah apna bazoo sehlati hoi boli.

iss se phle k mehr kuch kehti , Mia apna lehenga sambhalti stage pe ai.. us k pass baith k us ka hath pakara aur sargoshi men kehni laggi.. "Mehru, ik baat poochun?"
Mehr chonk se gai.. najane mia kia poochne wali thi.. iss waqt kam az kam woh kissi b sawal ka jawab dene ki halaat men nahi thi.. ghonghat k andar us ne ankhien band ker k porey dil se dua ki k mia kuch aisa waisa na pooche..
" hmm.. poocho.." Mehr ne bazahir mazboot lehjey men kaha,
"yaar men pyari lag rahi hoon?" 
sawal suntey hi mehr ik lamhe ko heeran hoi aur phir khilkhila k hans parri... ufff!! ik dam se jaise sans aazad hoi thi.. mia b na...
" arey haan... bohat hi pyari.. sari mehendi men tum hi to ik haseen lag rahi hun.. plz izzah ko na batana mene aisa kaha tha "
" m serious naaa.. " mia ne israr kia..
" arey baba m serious too na.."
" actually mehru .. woh sufiyan mujhe ghoor raha hai.. bar bar... "
" what? shabana aunty ko bata do ja k us k kartoot.. " mehru k andar ki bari behen jag gai, ghairat sameet!
ghoonghat dono hathun se utha k us ne mia ko ghoor k dekha aur boli, " tangien tor doon g us ki . aur tumari b .. hadh men rehna"
mia ne us ko dekha... " awal to mujhe us men koi interest nhi hai.. aur over react mat karo.. woh sufiyan hai, moiz nahi."
Oh my god! yeh mia kia keh gai hai...us ne  ghoonghat wapis gira dia.. is waqt ussey yehi chae tha.. parda.. jo us ko chupa ley .. sab se.. is waqt us ko tanhai chae thi..
ghoonghat men baithi dhulhan k haal se koi wakif nahi tha.. har koi magaan tha.. mehendi apne arooj per thi..

"Bilal itna adashing lag raha hai Mehru...... ufff... sesly! u are so lucky .... pyara lag ra ha MashaALLAH!" Abeer ko sab se pehle dhulha dekhne ka sharf hasil huwa tha .. us ne mehru ko iltah dena apna farz shumar kia.. Mehru sun k bhi yun baithi rahi jaise kuch suna na ho..
bilal ka nam us k andar koi b halchal jagane men nakam raha tha...

                                                                          (to be continued)

Teri Meri Anaa part 2

recap:
"Mehr...." darwaze pe dastak hoi.. " tayar ho rahi ho???" Mia ne chilla k poocha...
"Hann mia... bus thori dair men ati hun.." ba mushkil apna gala saaf ker k us ne kaha..

Now read further :

Yellow aur green gottey wale kapre, paoon men tilley se sajey khussey, hathun men mehendi aur dhair sari churiyaan, phoolun ka zeewar pehne huwe jab woh aainey k samne khari huwi to ik lamhe ko khud ko b na pehchan pai...
roney se na sirf ankien surkh hoi theen balkey naak b halki si laal ho rahi thi.. kali ghoor ankhoon men pani chamak raha tha..

aista se darwaza khol k us ne gallery men qadam rakha.. pori gallery men farsh pe ja baja gulab ki patiyan bikhri pari thenn aur sath men chamaki... khushboo k siwa ghar sunsaan tha.. koi aahat nahi thi, na kissi k amad ka andaisha....
chote chote qadam uthati wo sehriyun ki janibarhne laggi... mia ko shyd us ka dhehan nhi raha tha..
abhi us ne dosri sehri pe qadam rakha hi tha k mia k sath us ki tamam cousins andar aa gaen..
" ooye dhulhan ,, ruk jao" izzah ne chekh k kaha. " bohat jaldi ha kia??"
ik pheeki si muskurat k sath woh sab ki baatien sunne lagi.. yak dam hi wo bohat se logoon k darmiyan men ghirr gai.. koi us ka dupata thek kerne laga, koi phool.. woh be hiss se khari rahi.. koi harqat kiye baghair..
"azar, ali, waleed, moiz.. idher aoo.. yeh dupattey ka ik ik kona  pakro.. usman aur hassan kahan hain? " bina appa sab ko directions de rahi theen.. " larke waley an wale hoon gey.. un k anay se pehle tum logoon ne jo apni rasmien kerni hain ker lena.. bad men moqa nhi miley ga. aur khabardar jo tum sab larkiyan over hoeen ziada. bohat tamez men rhna"
 izzah ne mun bana k bina apa ko dekha jo us ko mehendi k thaal per dant rahi theen.. " kia hai bina apa ap ko?"
"men nervous hun izzah.. Baba ji ne apne bachpan k dost ko rishta dia hai apni nawasi ka.. har cheex thek honi cha"
" bina apa to Baba ji k dost inspection per to nahi aa rahe na k har chex perfect ho .. unhun ne kia marks dene hain . ap b na.. bahir dekhien.. hum sambhal lien gey" sehr ne un ko tasalli de k bahir nikala.

Dupatte k kone pakarne ki bari aai to moiz na na kerne laga... " bohat larkiun wala kam ha , men nahi karoon ga" izzah ne chir k us ko dekha .. " moiz bhai, wats wrong with you? 5 min ki to baat ha.. is waqt to substitution b nahi hai"
"Mia tum hi kaho na.." izzah ne chir k mia ko pukara.
"izzah , nahi dil cha ra us ka.. leave him.. jane do us ko..meri behen ki shadi hai, dupatta men khudi pakar loon g" mia ne moiz ki taraf dekhe baghair kaha.
usman andar aya to izzah ne foran us ko khara ker dia dupatta pakra k...

aaista aaista qadam uthati woh un sab k sath sath chalne laggi.. hansi mazak aur un sab ki batun men us ka man behl gaya.. azar ki kissi baat per us ne be ikhtiyar hansna shuru ke dia...
"ooooooo......." sab ne ik sath kaha.. " logoon ki khushiyan check karo." usman kaha..
"oye moiz, tu kiun group se bahir hai.. aja bhai duppatte k ander.. agli teri bari hai." hassan ne na sirf kaha balke hath se pakar k us ko dupatte k andar b ker dia.

us ki perfume ki khusboo ik dam jaise har ehsas pe ghalib aa gai... moiz hamesha se ik hi cologne istamal kerta tha.. signature style..
dil ik dam uchat ho gaya... bebasi ki inteha pe thi woh us waqt.. moiz ka hath us k hath se takraya to do ansoo palkoon ki hadh tor k us k gaaloon pe behne lagey..
bus ik cheex mangi thi us ne apn xindagi men... yeh shaks ...is ka sath...
aur manga b har dua ko girvi rakh k tha : " Allah ji, aur kuch nahi mangoon g.... please... "
per shyd us ki dua men woh asr nhi tha..

lights aur phoolun se sajey stage pe baithi woh koi choti c bachi lag rahi thi.. sehmi hoi...

bus ik nazar moiz ne us ko dekha tha.. apni hatheeliun ko dekhte huwe woh najane kia soch rahi thi...
ab har khel khatam ... Moiz jaise khuwab se jaga tha....
"Mehr ki shadi ho rahi hai... actual men.. real mien... "
ik dam se moiz ko shock sa laga..
pareshani se us men apni daaien abroo ko masla...
" yar ik glass pani la do" pass se guzarte huwe waiter ko us ne kaha aur khud kursi pe baith gaya..

                                                                                              ( to b continued)

teri meri ana part 1

" I dont believe you.... !" Mia ne ta'suf se us ki taraf dekha.
lawn men kursiyaan set kerwate huwe us ne Mia ki awaz pe palat k dekha. " kiun, kia huwa? kuch garbar ha setting mien?" us ne lawn ki sajawat pe ik nazar dalli.
" tum us larki ki shadi  ki kursiyan set ker rahe ho jis se tumien mohabbat hai... how could you do this to her.. to yourself!" hathun men peele phool pakre, ankhoon men ansoo liye woh us se sawal ker rahi thi.
" kia bakwas ha mia? jao andar .. and dont you dare breathe a word about any of your stories! understand?" aaista magar sakht lehjey men us ne mia ko warn kia.
ik gehri sans le k woh pass parri kursi pe baith gaya... " kia bakwas hai..sara mood khrb kr dia hai iss mia ki bachi ne.. mohabbat . what shit!"
Mamoo ne awaz di to wo jaldi se un ki madad kerne uth gaya...

" mehr... " lakri key jharookey men kharri woh b us udas sham ka koi hissa lag rahi thi..peela libas, zard c rangat aur hathun men peeli chooriyan pehne kitni masoom lag rahi thi woh.
"hm?" mia ki awaz pe halkey se boli.. "mia, kal men yahan se chali jaun g...ajeeb lag raha hai na"
mia us k kandhe pe sar rakh k rone lagi.. " kash men tumien rok sakti.."
" itna larti ho mujhse.. aj hi pyar aa ra hai tumien b" us k ansoo b jaise ankhoon se nikalne ka bahana dhond rahe they...
Ajeeb baat hai, jo log hameesha sath rehte hain, khayal rakhte hain, pyar kerte hain .. woi apney hathun se ajnabiun k hawale ker dete hain... ik dam sab paraya ho jata hai.. kitna ajeeb lagta hai.. ik dunia se dosri dunia men qadam rakhna... kaisa faisla hota hai apni poori zindagi badal dene ka .. purane chehroon ko naye chehroon se tabdeel kerne ka faisla aur apni zindagi, khushi, aur zaat ka ik ik hisa kissi anjaan insaan k hath men de dene ka faisla... khud ko girvi rakhwa dene ka faisla...

sham pehle hi dhal chuki thi.. sab log mehendi k liye tayar ho rahe they.. Mia ko jana parra... rone se us ki ankhien surkh ho rahi theen.. lihaza ussey make up ki pareshani hone laggi..
"uff mehr... dekho meri ankhien.. thand pani se theek ho jaen g na??" sheeshe men khud ko ghor ghor k dekhte huwe wo pareshani se keh rahi thi.. aur bahir har taraf mia k naam ki pukar par rahi thi..
"jao mia... thek ho jaien g.. sab pagal ho rahe hain... har cheex ka tumien pata hai k kahan hai..." mehr ne us ko kamre se bahir dhakailte huwe kaha.
'ja rahi hun... mat dhake do badtameez... khud tayar ho jao ghante tak.. tmari chexien almari mien hain. aur chabi vase k neeche hai"
"OK! dafa ho plz" mehr ne tang aa k kaha..
Mia k jane se ik dam khamooshi ho gai... aur phir achanak.. ik dam se mehr ko ehsas huwa .. k kia ho ra hai.. us ki shadi.. moiz se nahi... kissi aur se... yeh koi khuwab nhi ha.. haqeeqat hai.. sach hai... aur is ko reverse kerne ka b koi tareeqa nahi hai... yeh final hai..
yak dam us ka dil... doob gaya,... "Allah..." darwaza band ker k wo rone lagi..
Bahir se ab oonche oonche ganoon ki awaz aa rahi thi...
" ovrai chali sharmati ghabrati wo
  piya k ghar ithlati bal khati wo
  surmai naina chalkati chalkati wo
  piya k ghar bharmati sakuchati wo"

hansi ki awazien, baatun ki ..shor.. hangama.. phir us k andar itni ghuttan kiun thi..

"Mehr...." darwaze pe dastak hoi.. " tayar ho rahi ho???" Mia ne chilla k poocha...
"Hann mia... bus thori dair men ati hun.." ba mushkil apna gala saaf ker k us ne kaha..


P.S: felt like writing a story and it got long. will post nxt part soon.

Legend lives

1992 ... First year of school.. I refused to sit in reception. Principal allowed me to sit in prep.
1999... 6th grade. Met Hanaa. Became best friends with her.
2000-04... came closer to her. Felt like family.
Her mom = my mom
Her dad = My dad
Her grandfather = school/college principal = Our dada!!
2005... 1st year in Collage. Principal became our English teacher.
2007... graduation.
2011.. Joined AIA as a Teacher.
2013.. Principal passed away... Dada passed away...


It took me just 6,7 lines to make this timeline but there are moments , living memories.. for 12 years in school I got to see him everyday, hear him order around, managing school and everything... and for 2 years in college i was in his class.Hearing him lecture, narrating his past experiences to us.. letting us know how he migrated from India, writing in Hindi script and his favorite Shakespeare and his journey to England. His passion for photography and poetry,  his photo albums.His Pilgrimages and how he got the chance to see the inside of Kaaba.
About his family .. and i remember sitting on the last bench with Hanaa who continuously used to give exasperated sighs.
and the famous novel.... Great Expectations... Pip... =)) I never read the novel again, but i still remember it .. the details.. Sir made sure that we have it running through our body by the time we finish it. and he did succeed.
When we had our exams , he would drop me off to home. I think i have to feel special about it because i am the only living soul who has had this privilege.
There were days when me n Hanaa would just peep into his white mehran to see if there was any loose money. Somehow we were always short of money or may be we wee huge on appetite.. and once or twice we actually mustered up the courage to go to his office and ask for 10 rs. Later we would just giggle on the lil adventure.
I remember ourselves to be crazy Harry Potter fans, giving each teacher a character out of the book and Of course he was Dumbledore!
and right now, i wish we were in a magical world, where people in the pictures could move. I would have loved to visit his office with his big portrait hanging on the wall. i would have told him what place he carries! if only i could tell him now.
In college, we all were very vibrant and bubbly. Always coming up with new ideas to make our time special. Trying to be innovative, creative, funky and cool. Once, i wrote my name on the English poetry copy as
'Xyneb >!halyd'. H e circled my name and wrote : 'Chinese?' ... it still puts a smile on my face.
After College.. I went to uni and Hanaa moved out of town but he was never out of our conversations...
I had to know how he was, what;s his latest interest..
and then i came to know that he has bought a laptop... I didnt have one at that time, so naturally i was hell jealoused.
He was always so up to date. I guess he hated to be considered out of league.
After me and Hanaa graduated, we decided to join our school as 'teachers'. It was one of the most joyous experiences of my life. an absolute pleasure.
I found him to be a very supportive boss. and not to mention that he was very proud of both of us for being his students and serving the school. That meant a lot to me.

Over the years, I had started to think of him as my own grandfather. i had come to love him in a very special way. He had always been very respectful for me, for everyone.. but for me, he was more than what he was for others..

and just this morning, i learned that he has passed away...
something just exploded inside me.. a mountain of grief or something..
worst of all , i am sitting here, writing about him when i should be beside my best friend.
At this moment, i am regretting all the decisions in my life, that have made me stay and not go.
right now, i am just wishing to be there. Wishing  not to do what i have to...

Me writing about him is the same as  'chota mun aur bari baat' and 'suraj ko charagh dikhana'.
and it also sorts of disappoints me that he wont be reading this... and makes it a little more unbelievable.

I saw him as an administrator, as a leader, as a teacher, as a boss, as an inspiration, as history, as a role model, as grandfather, as .. to say the least...a legendary educationist.

There are so many little things that are coming to me ... so many moments, so many memories.. too bad i am not enough of a writer to convert them into meaningful sentences.

but i know, all the people in Abbottabad have prayed for him. All his students who are spread across the world, have heard and prayed for him.

I pray to ALLAH that he provides my teacher with Noor in his grave... and place him in Jannah..
and let him drink from Huaz-3-kausar and let the good people be his companions in hereafter.. ameen.

Dear Sir, you are loved!!

P.s whoever gets to read this, please pray for him.

ik aur saal...

IK saal ... aur phir se woi waqt hai..
woi mausam
toofani barish
weerani...
wohi ansoo.. musalsal..
woi khamooshi jo pichle bars mere andar utri thi..
woi judai, jo ab ta hayat rehni hai...

ik saal aur kuch badla hi nahi...
ajj b hum waheen khare hain..
app k baghair .. tanha aur gumsum...
yun milte hain jaise jante hi nahi ik dosre ko..
yun jaise mooti toot k bikhrey hun...

tootey tootey hain sab...
koi zikr nahi kerta ap ka..
sab chupatey hain..
likin sab jantey hain us azeeat ko...

phir larte hain, ik dosre se.. apne app se..
app ki kami hai..
iss qadar khalla ha k dam ghut.ta hai..
ik dosre pe ilzam dharte hain...

ap ko dhoondte hain..
ankh nhi milatey hum.. aur baatien bhool gaye hain ab...

Mama ap ko yaad kerti hain...
aaaista aaista ap ko pukarti hain...

pata nhi kitna waqt lagey ga humien
ap k bagahir jeene k liye...

kitna waqt lagey ga.. simatne k liye..

shyd kabhi b nahi...
Mohabbat waqai nhi marti, chahe wajood khak b ho jaye tab b..

Ap se kaisa taluq hai... koi nahi janta.. koi nahi samajhta..
dil se , mohabbat se aur zindagi se paar bhi kuch taluq hote hian...
Ap aur mien wahaan hain.... :)